Wednesday, May 28, 2008

മകരവിളക്കും തന്ത്രിയും പിന്നെ മന്ത്രിയും....!

അങ്ങിനെ അവസാനം അതും നടന്നു. ശബരിമലതട്ടിപ്പുകാര്‍ യുക്തിവാദികള്‍ക്കുമുന്നില്‍ സാഷ്ടാഗം വീണു. മകരവിളക്ക് എന്നത് മനുഷ്യര്‍ തന്നെ കത്തിക്കുന്നതാണ് എന്ന് ദേവസ്വം അംഗങ്ങളും മന്ത്രിയും തന്ത്രിയും എല്ലാം സമ്മതിച്ചു.രണ്ടു ദിവസം കൊണ്ടാണ് എല്ലാവരുടേയും ഈ ഏറ്റു പറച്ചില്‍.

നിരവധി വര്‍ഷങ്ങളായി തുറന്നു പറയാതിരുന്ന ഇക്കാര്യം എങ്ങിനെ പുതിയൊരു സുപ്രഭാതത്തില്‍ പുറത്തു വന്നു..?

അതാണ് വീണേടം വിഷ്ണുലോകം എന്നു പറയുന്നത്.

മകരജ്യോതി കത്തിക്കുന്നിടത്ത് പോകാന്‍ അനുവദിക്കണം എന്നാവശ്യപ്പെട്ട് യുക്തിവാദിസംഘം ഹൈക്കോടതിയില്‍ ഹര്‍ജി കൊടുത്തിരുന്നു.
ഹൈക്കോടതിയില്‍ കൊടുത്ത കേസില്‍ വിധി യുക്തിവാദികള്‍ക്ക് അനുകൂലമായിരിക്കും എന്ന് വ്യക്തമായപ്പോഴാണ് പുതിയ ഏറ്റു പറച്ചിലുകളുമായി തട്ടിപ്പുകാര്‍ രംഗത്തെത്തിയിരിക്കുന്നത്. അടുത്ത മകരവിളക്കിന് ടി.വി. ചാനലുകാരുമായ് പോലീസ് സംരക്ഷയില്‍ ചെന്ന് മകരവിളക്ക് മനുഷ്യര്‍ തന്നെ കത്തിക്കുന്നതാണ് എന്ന് തെളിയുന്പോള്‍ ഉണ്ടാകാവുന്ന പ്രത്യാഘാതങ്ങള്‍ ഒഴിവാക്കുവാനുള്ള ഒരു ആസൂത്രിത ശ്രമം മാത്രമാണ് വിവിധ വിശ്വാസ കോണുകളില്‍ നിന്നുള്ള ഈ ഏറ്റു പറച്ചില്‍.മകരവിളക്കും മകരജ്യോതിയും രണ്ടും രണ്ടാണത്രേ... മകരവിളക്ക് മനുഷ്യനിര്‍മ്മിതമാണെന്നും മകരജ്യോതി നക്ഷത്രമാണെന്നും ഇപ്പോള്‍ സമ്മതിച്ചിരിക്കുന്നു.

ഇപ്പോള്‍ കപടവാദികളുടെ ചോദ്യം ഇതാണ്.. "വെറും വിശ്വാസത്തിന്‍റെ ഭാഗമായ ഈ ആരതിയുഴിയലിനെ എന്തിനാണ് ചോദ്യം ചെയ്യുന്നത് എന്ന്?.." !





6 comments:

luttappi said...
This comment has been removed by the author.
luttappi said...

ആരതി ഉഴിഞ്ഞില്ലെന്കില് കോടി കണക്കിന് രൂപ താന് കൊടുക്കുമോ സര്ക്കാരിന്? തമിഴനേം തെലുങ്ങനേം പറ്റിക്കാന് പറ്റുമോ.. ഇക്കാര്യങ്ങള് ഒക്കെ എല്ലാവര്ക്കും വര്ഷങ്ങള്ക്ക് മുന്പേ അറിയവുനന്താണ്... പക്ഷെ വരുമാനം ഓര്ത്തു ആരും പുറത്തു പരയരില്ലായിരുന്നു എന്ന് മാത്രം. ഇപ്പോള് രാമന് നായര് പുറത്തായത് കൊണ്ട് അയാള് പറഞ്ഞു... ഇപ്പോള് ഒരു സംശയം മാത്രം ബാകി... കേരളത്തില് ഇപ്പോളത്തെ വിവാദമായ കള്ള സ്വാമി മാരും ഇത് തന്നെ അല്ലെ ചെയ്യുന്നത്... തട്ടിപ്പ് കാണിച്ചു വിശ്വാസം വരുത്ത്തിക്കുക.. അപ്പോള് അവര്ക്ക് കൊടുക്കുന്ന അതെ ശിക്ഷ തന്നെ അല്ലെ സര്കരിനും കൊടുക്കേണ്ടത്.. ???

മാരാര്‍ said...

മുകളില്‍ ലുട്ടാപ്പി പറഞ്ഞത് കറക്റ്റ്.. അപ്പോള്‍ ആരുടെ ആസനത്തിലാണ് ഗദ വേണ്ടത്?

പ്രവീണ്‍ ചമ്പക്കര said...

മനുഷ്യ നിര്‍മ്മിതം ആയ 18 പടികളെയും മനുഷ്യനിര്‍മ്മിതമായ വിഗ്രഹത്തെയും, അവ മനുഷ്യനിര്‍മ്മിതം എന്നു അറിഞ്ഞുകൊണ്ടു വണങ്ങുന്ന വിശ്വാസിക്ക് മനുഷ്യന്‍ കത്തിക്കുന്ന മകരദീപത്തെയും തൊഴാന്‍ ഒരു ബുദ്ധിമുട്ടും ഇല്ല സുഹ്രുത്തേ.. ഇനി യുക്തിവാദികല്‍ക്ക് ആണ് ഒരു വിഷയം പോയതില്‍ ഉള്ള ദു:ഖം..പിന്നെ സര്‍ക്കാരിനൊരുപേടിയും...ഇതിന്റ് പേരില്‍ എങ്ങാനും ശബരിമല വരുമാനം കുറ്യുമോ എന്ന്?

Ranjith.s said...

എന്തായാലും മകരജ്യോതി ദേവലോകം എന്നെല്ലാം പറഞ്ഞ് ഇനിയാരും പുകിലുകള്‍ ഉണ്ടാക്കില്ലല്ലോ? എന്തായിരുന്നു കുറേകാലങ്ങളായിട്ട് ദേവന്മാര് ദീപാരാധന നടത്തുന്നു എന്നെല്ലാം പറഞ്ഞ്. എല്ലാ ലീഡിംഗ് പത്രവും ചാനലും വാര്‍ത്ത മുക്കി.

ദീപസ്തഭം മഹാശ്ചര്യം
നമുക്കും കിട്ടണം പണം.

പാക്കനാരു പറഞ്ഞതു ശരിയാ

പണം ആളെക്കൊല്ലി തന്നെ

Anonymous said...

അപ്പൊ... തിരുവാഭരണം കൊണ്ടു വരുമ്പോള്‍ മേലെ ചുറ്റുന്ന പരുന്തും ദേവസ്വം തമ്പ്രാക്കന്മാര്‍ കീ കൊടുത്ത്‌ വിടുന്നതായിരിക്കും അല്ലെ...