കേരളത്തില് ആദ്യമായിട്ടായിരിക്കും പരിസ്ഥിതിദിനത്തില് ഒരു ഹര്ത്താല്.. അതും ബി.ജെ.പി. യും ഇടതുപക്ഷവും കൂടി ഒരുമിച്ച്.
എന്തായാലും ഒരു കാര്യം നടന്നു കിട്ടി. നാളെ ഒരു കാര്ബണ് കുറവുള്ള ദിനം . പരിസ്ഥിതി സംഘടനയുടെ ആഹ്വാനവും അതു തന്നെ.
"കാര്ബണ് കുറവുള്ള ഒരു സന്പദ് വ്യവസ്ഥക്കായി ശീലങ്ങള് മാറ്റുക" (Kick The Habit Towards a Low Carbon Economy)എന്നത്.
എന്തായാലും അത് കേരളം അക്ഷരം പ്രതി നടപ്പാക്കി. ഇത്രയും നല്ല ഒരു തീരുമാനം ഒരിക്കല് ചൈന എടുത്തിരുന്നു. നിരത്തുകളില് അവര് കാറുകളില്ലാത്ത ഒരു ദിനം നടപ്പാക്കി.
(Car-Less Day). ഇപ്പോഴിതാ നമ്മളും ആ പാതയില്...
പെട്രോളിയം ഉത്പന്നങ്ങള്ക്ക് വില വര്ദ്ധിപ്പിച്ചതില് പ്രതിഷേധിച്ചാണ് ഹര്ത്താലെങ്കിലും പരിസ്ഥിതി ദിനം ആചരിക്കാന് ഒരു അവധിയായി മാറി.
എന്തായാലും നമുക്ക് പരിസ്ഥിതി ദിനം ആചരിക്കാം... കാര്ബണ് കുറവുള്ള ഒരു സന്പദ് വ്യവസ്ഥക്കായി...
"എല്ലാവര്ക്കും പരിസ്ഥിതി ദിനാശംസകള്.."
Comments
സുഖപ്രദവും സന്തോഷകരവുമായ ഹര്ത്താല് നേരുന്നു
പാലുകുടിച്ച്, പത്രം വായിച്ച്, പെട്രോളു കത്തിക്കാതെ നമുക്കിന്ന് പരിസ്ഥിതിദിനം ആഘോഷിക്കാം.