എന്ട്രന്സും പ്ലസ്റ്റു മാര്ക്കും വൈരുദ്ധ്യങ്ങളുടെ ലോകം...
ഇന്നത്തെ (24-09-08) കേരള കൌമുദി വാര്ത്ത നോക്കൂ, പ്ളസ്റ്റു പരീക്ഷക്ക് 99.33% മാര്ക്ക് വാങ്ങിയ ആരതിക്ക് എന്ട്രന്സ് പരീക്ഷയില് റാങ്ക് 32986!!
രാജേഷിന് പ്്ലസ്റ്റുവിന് മാര്ക്ക് 99% എന്ട്രന്സ് പരീക്ഷയില് റാങ്ക് 17814!!
എന്ട്രന്സ് എന്ന കടമ്പ, അതൊരു ഭീഷണിയാണിപ്പോള് പല നല്ല കുട്ടികള്ക്കും. എന്ട്രന്സ് പരീക്ഷ പരിഷ്കരിക്കണം എന്നത് എത്രയോ കാലമായുള്ള ആവശ്യമാണ്. പക്ഷേ ഇന്നും സാമ്പ്രദായിക രീതിയിലുള്ള എന്ട്രന്സ് പരീക്ഷ കേരളത്തിന് തുടരുകയും ചെയ്യുന്നു. കോച്ചിംഗ് എന്ന കടമ്പ കടക്കുന്നവര്ക്കു മാത്രമേ എന്ട്രന്സ് കടക്കാനാകൂ എന്നതാണ് ഇന്നത്തെ പ്രശ്നം. സുപ്രീം കോടതി അഭിപ്രായത്തിന്റെ സാഹചര്യത്തില് കേരളകൊമുദി ഉയര്ത്തിയ ഈ പ്രശ്നം ഒരു ഒറ്റപ്പെട്ട സംഭവം അല്ല. ആര്ക്കും വളരെ എളുപ്പം തിരിച്ചറിയാവുന്ന ഒരു സാധാരണ സംഭവം മാത്രം. വളരെക്കുറഞ്ഞ സമയം കൊണ്ട് വളരെയധികം ചോദ്യങ്ങള്ക്ക് ഉത്തരമെഴുതേണ്ടി വരുന്ന കുട്ടിക്ക് ആ വിഷയത്തെക്കുറിച്ചുള്ള അറിവും ബുദ്ധിയും എന്നത് ആവശ്യമില്ലാത്ത ഒന്നായി മാറുന്നു.
എന്ട്രന്സ് പരീക്ഷയിലൂടെ കഴിവുള്ളവരെയാണ് തിരഞ്ഞെടുക്കപ്പെടേണ്ടത്. എന്നാല് പ്രവേശനം ലഭിക്കുന്നത് സാമ്പത്തിക കഴിവുള്ളവര്ക്ക് മാത്രവും.
പരിഹാരമാര്ഗ്ഗം എന്താണ് ?
ചില ആശയങ്ങള് നോക്കാം
1. എന്ട്രന്സ് പരീക്ഷയുടെ സമയം ഇരട്ടിയോ അതിലധികമോ ആയി വര്ദ്ധിപ്പിക്കുക
സമയം കൂടുമ്പോള് 99% മാര്ക്ക് യോഗ്യതപരീക്ഷക്ക് ലഭിച്ച ഒരാള്ക്ക് വളരെ എളുപ്പം ഉത്തരം കണ്ടെത്താന് കഴിയും. നിലവില് ചോദ്യത്തെ ശരിയായ രീതിയില് സമീപിക്കാനുള്ള സമയം ലഭിക്കുന്നില്ല എന്നതാണ് പ്രശ്നം. ആവശ്യത്തിന് സമയം ലഭിക്കുമ്പോള് എന്ട്രന്സ്് പരിശീലന കേന്ദ്രങ്ങളില് പോകാത്തവര്ക്കും കഴിവുണ്ടെങ്കില് മികച്ച നേട്ടം കൈവരിക്കാനാകും.
2. പ്രവേശനപരീക്ഷയുടെ മാര്ക്കിനോടൊപ്പം യോഗ്യതാ പരീക്ഷയില് ലഭിച്ച സ്കോറുകള് കൂടി പരിഗണിക്കണം.
പ്ലസ്റ്റുവിന് മാര്ക്ക് ലഭിച്ചിട്ടും അത് പരിഗണിക്കപ്പെടുന്നില്ല എന്ന പ്രശ്നം പരിഹരിക്കാന് ഇതു കൊണ്ട് സാധിക്കും. രണ്ടു വര്ഷത്തെ പഠനത്തിന്റെ ആകെത്തുകയാണ് പരീക്ഷയുടെ സ്കോര്. അത് പരിഗണിക്കപ്പെടുക തന്നെ വേണം.
3. പ്രവേശനപരീക്ഷക്ക് വരുന്ന ചോദ്യങ്ങളില് പുതിയ പാഠ്യപദ്ധതിയുടെ രീതികള് കൂടി ഉള്പ്പെടുത്തണം
പുതിയ പാഠ്യപദ്ധതിയിലെ ആധുനിക പഠന രീതികള് ഉള്ക്കൊണ്ടു കൊണ്ട് വളര്ന്നു വരുന്ന ഒരു തലമുറക്ക് അതിന്റെ പ്രയോഗത്തിനുള്ള സാധ്യത നിഷേധിക്കുവാന് പാടുള്ളതല്ല.
ഈ മൂന്ന് കാര്യങ്ങള് നടത്തിയാല് നിലവിലുള്ള പ്രശ്നങ്ങള്ക്ക് ഒരു പരിധി വരെ പരിഹാരമാകും എന്നു തന്നെയാണ് കിഴക്കുനോക്കിയന്ത്രത്തിന്റെ അഭിപ്രായം.
Comments
പക്ഷെ ഇതൊക്കെ നടപ്പിലാക്കിയാല് കോച്ചിംഗ് സെന്റര് എല്ലാം പൂട്ടി പോവില്ലേ ?
കാശ് ഉള്ളവര് ഈ കടമ്പ കടന്നലല്ലേ "എല്ലാവര്ക്കും" പ്രയോജനമുള്ളു ... ബുദ്ധിയുള്ള തലകള് അല്ല , വലുപ്പമുള്ള പോക്കറ്റ് അല്ലെ എല്ലാം തീരുമാനിക്കുന്നത്....
പ്രസക്തമായ വിഷയം.
പ്രവേശന പരീക്ഷാ സമ്പ്രദായം പുനഃപരിശോധിക്കേണ്ടിയിരിക്കുന്നു. കോച്ചിങ് സെന്ററുകള് ഇന്നൊരു ബിസിനസ്സായി വളര്ന്നിരിക്കുന്നു, അവരുടെ ഇടപെടല് എങ്ങിനെ വരുന്നു എന്നും ശ്രദ്ധിക്കേണ്ടിയിരിക്കുന്നു.
പ്രവേശന പരീക്ഷ പരിഷ്കരണത്തിനായി സര്ക്കാര് നിയോഗിച്ച കമ്മിറ്റി നിര്ദ്ദേശങ്ങളെ സംബന്ധിച്ച ഒരു വാര്ത്ത
സംസ്ഥാനത്തെ മെഡിക്കല്,എന്ജിനീയറിംഗ് അടക്കമുള്ള പ്രൊഫഷണല് കോഴ്സുകളിലേക്കുള്ള എന്ട്രന്സ് പരീക്ഷയില് സമൂലമായ മാറ്റം 2009മുതല് പ്രാബല്യത്തിലാവുമെന്ന് വിദ്യാഭ്യാസമന്ത്രി എം.എ ബേബി അറിയിച്ചു.പരീക്ഷാ പരിഷ്കരണത്തെക്കുറിച്ചു പഠിച്ച് നിര്ദേശങ്ങള് സമര്പ്പിക്കാന് നിയോഗിക്കപ്പെട്ട വിദഗ്ധസമിതി റിപ്പോര്ട്ട് നല്കി.ഈ റിപ്പോര്ട്ടിലാണ് എന്ട്രന്സ് പരീക്ഷയുടെ ഘടനയും നടത്തിപ്പും അടിമുടി അഴിച്ചു പണിയുന്നതിനുള്ള നിര്ദേശങ്ങളുള്ളത്.
യോഗ്യതാ പരീക്ഷയായ പ്ലസ് ടുവിന് ലഭിച്ച മാര്ക്കും എന്ട്രന്സ് പരീക്ഷയുടെ മാര്ക്കിനൊപ്പം പ്രവേശന മാനദണ്ഡമായിരിക്കണമെന്ന് റിപ്പോര്ട്ടില് ശുപാര്ശയുണ്ട്. ഇപ്പോഴത്തെ പരീക്ഷാ രീതി പ്രൊഫഷണല് കോഴ്സ് പ്രവേശന പരീക്ഷ എഴുതുന്ന വിദ്യാര്ഥിയുടെ കഴിവിനെ സമഗ്രമായി പരിശോധിക്കുന്നതല്ലെന്ന് സമിതി ചൂണ്ടിക്കാട്ടി.പ്ലസ് ടുവിന് ലഭിക്കുന്ന സ്കോറും എന്ട്രന്സ് പരീക്ഷയ്ക്ക് ലഭിക്കുന്ന മാര്ക്കും കണക്കാക്കി റാങ്ക് ലിസ്റ്റ് തയാറാക്കും. ഓരോ ബോര്ഡും നടത്തുന്ന പരീക്ഷയ്ക്ക് ലഭിക്കുന്ന റാങ്ക്, സ്കോര് എന്നിവ മാനദണ്ഡമായി സ്വീകരിക്കും. ഭാഷാ വിഷയങ്ങളുടെ മാര്ക്ക് പരിഗണിക്കില്ല.
സി.ബി.എസ്.ഇ, ഐ.സി.എസ്.ഇ, വി.എച്ച്.എസ്.ഇ വിവിധ സംസ്ഥാന പരീക്ഷാ ബോര്ഡുകള് എന്നിവ വ്യത്യസ്ത സിലബസ് അനുസരിച്ച് കോഴ്സുകള് ക്രമീകരിച്ചിരിക്കുന്നതിനാല് അവിടെ ലഭിച്ച റാങ്കിനെ അടിസ്ഥാനമാക്കി സംസ്ഥാനതലത്തില് റാങ്ക് നേടിയവരുമായി ഏകീകരണമുണ്ടാക്കും.എന്ട്രന്സ് പരീക്ഷയ്ക്ക് മള്ട്ടി ചോയ്സ് ചോദ്യങ്ങള് എന്ന രീതി തുടരാന് സമിതി നിര്ദേശിച്ചു.ജനറല് വിഭാഗത്തില്പ്പെടുന്ന വിദ്യാര്ഥിക്ക് എന്ട്രന്സ് പരീക്ഷ എഴുതാന് ഇനിമുതല് രണ്ട് ചാന്സ് മാത്രമേ അനുവദിക്കു. പട്ടികജാതി വിഭാഗക്കാര്ക്ക് നാല് ചാന്സ് നല്കും. പട്ടിക വര്ഗ വിഭാഗങ്ങള്ക്ക് പരിധിയില്ല.
ചോദ്യങ്ങള് പ്രത്യേകം തയാറാക്കുന്ന ചോദ്യബാങ്കില് നിന്ന് ആയിരിക്കും.50 ശതമാനം നേരിട്ടുള്ള ചോദ്യങ്ങളും 30ശതമാനം ആപ്ലിക്കേഷന് രീതിയിലുള്ളതും 20ശതമാനം ചലഞ്ചിംഗ് രീതിയിലുള്ളതുമായിരിക്കും.മെഡിക്കല് എന്ജിനീയറിംഗ് പരീക്ഷകള്ക്ക് ഫിസിക്സ്,കെമിസ്ട്രി എന്നീവിഷയങ്ങള്ക്ക് ഒരുമിച്ചുള്ള പരീക്ഷ മതിയെന്ന് സമിതിയുടെ റിപ്പോര്ട്ടിലുണ്ട്.മെഡിക്കല് എന്ട്രന്സ് പരീക്ഷയില് ബയോളജിക്ക് കൂടുതല് പ്രധാന്യം നല്കേണ്ടതില്ലെന്നും റിപ്പോര്ട്ടില് നിര്ദേശിക്കുന്നു.ഫിസിക്സ്, കെമിസ്ട്രി, ബയോളജി എന്നിവയ്ക്കു തുല്യപ്രധാന്യം നല്കണം. കണക്കിന് എന്ജിനീയറിംഗ് പരീക്ഷയിലുള്ള പ്രാധാന്യം നിലനിര്ത്തണം.
ചോദ്യങ്ങള് മലയാളത്തിലും ഇംഗ്ലീഷിലും കുട്ടികള്ക്ക് നല്കും.ചോദ്യബാങ്ക് നേരത്തെതന്നെ പ്രസിദ്ധപ്പെടുത്തും. എന്ട്രന്സ് പരീക്ഷാ കമ്മീഷണറേറ്റില് വിവിധ വിഷയങ്ങളില് വിദഗ്ധരായവര് അടങ്ങിയ സെപ്ഷലിസ്റ്റ് ടീം രൂപീകരിക്കണം.പ്രത്യേക നിയമ നിര്മാണത്തിലൂടെ പരിഷ്കരണം നടപ്പാക്കണം.നിര്ധനരായ വിദ്യാര്ഥികള്ക്കായി സ്കോളര്ഷിപ്പ് ഫണ്ട് രൂപീകരിക്കണം. സൈനികരുടെ മക്കള്ക്കും,എന്.സി.സി കേഡറ്റുകളായി പ്രവര്ത്തിക്കുന്നവര്ക്കും കൂടുതല് സീറ്റ് സംവരണം ചെയ്യണമെന്നും റിപ്പോര്ട്ടിലുണ്ട്.എന്ട്രന്സ് കമ്മീഷണര് ബി.എസ്.മാവോജി,ഡോ. സി.ആര് സോമന്, ഡോ. ആര്.വി.ജി. മേനോന്, ഡോ. അച്യുത് ശങ്കര്, ഉന്നത വിദ്യാഭ്യാസ സെക്രട്ടറി ഡോ. കെ.എം. എബ്രഹാം എന്നിവരായിരുന്നു സമിതി അംഗങ്ങള്.
മറ്റൊന്നിലെ ചില ഭാഗങ്ങള്
.......പ്രീഡിഗ്രി പരീക്ഷയിലെ കുപ്രസിദ്ധി നേടിയ മാര്ക്ക് തട്ടിപ്പാണ് പ്രവേശന പരീക്ഷ ഏര്പ്പെടുത്തുന്നതിനു സംസ്ഥാനത്ത് സാഹചര്യമൊരുക്കിയത്. അതിനുശേഷമുള്ള അനുഭവങ്ങള് പല പഠനങ്ങള്ക്കും വിഷയമായിരുന്നു. ഒരു ദശകംമുമ്പ് സര്വകലാശാല യൂണിയനുകളുടെ സഹകരണത്തോടെ കൊച്ചിയിലെ സെന്റര് ഫോര് സോഷ്യോ ഇക്കണോമിക് ആന്ഡ് എന്വയോമെന്റല് സ്റ്റഡീസ് നടത്തിയ പഠനം പല ഞെട്ടിപ്പിക്കുന്ന വിവരങ്ങളുംപുറത്തുകൊണ്ടുവന്നിരുന്നു. ഇംഗ്ളീഷ് മാധ്യമമാക്കിയ അണ്എയ്ഡ്ഡ് സ്കൂളിലെ വിദ്യാര്ഥികളാണ് പ്രൊഫഷണല് കോഴ്സുകളില് പ്രവേശനം ലഭിക്കുന്നവരില് മഹാഭൂരിപക്ഷവും. പരിശീലനകേന്ദ്രങ്ങളില് ഉയര്ന്ന ഫീസ് നല്കി പഠിക്കുന്നവരാണ് ഇതില് മഹാഭൂരിപക്ഷവും. ഗ്രാമീണമേഖലയുടെ പങ്ക് വളരെ കുറവാണ്. ഉയര്ന്ന സമ്പന്ന വിഭാഗങ്ങളിലെ കുട്ടികള് മഹാഭൂരിപക്ഷം സീറ്റും കൈയടക്കുമ്പോള് മഹാഭൂരിപക്ഷം വരുന്ന സാധാരണക്കാരുടെ കുട്ടികള് പുറംതള്ളപ്പെടുന്നു. ഈ സാഹചര്യം മാറിയേ തീരൂവെന്ന കാര്യത്തില് ആര്ക്കും തര്ക്കമുണ്ടാവില്ല. യോഗ്യതപരീക്ഷയുടെ മാര്ക്ക് കൂടി കൂട്ടുന്നത് മാറ്റത്തിനു കുറെ സഹായകമായിരിക്കും. മലയാളത്തില്ക്കൂടി ചോദ്യം തയ്യാറാക്കുന്നതും ചോദ്യബാങ്കിനെ അടിസ്ഥാനമാക്കുന്നതും വേഗത പരിശീലിപ്പിക്കുന്ന കേന്ദ്രത്തില് പോകാന് കഴിയാത്ത കുട്ടികള്ക്കും പ്രവേശനത്തിനു വഴിയൊരുക്കും.
കാലികപ്രസക്തിയുള്ള നല്ല വിഷയം, എല്ലാ ബ്ലോഗേര്സ്സും അവനവന്റെ അഭിപ്രായങ്ങള് രേഖപ്പെടുത്തേണ്ട വിഷയമാണിത്,എന്തോ ഇങ്ങനെയുള്ള വിഷയങ്ങള്ക്ക് പകരം, മതപരമായ സാമൂഹികമായി ഒട്ടും പ്രാധാന്യമില്ലാത്ത വിഷയങ്ങളില് കമന്റുകള് ചുമ്മാ ഏറുന്നു. ബ്ലോഗേര്സ്സ് സ്വയം ചിന്തിയ്ക്കാന് കഴിവുള്ളവരാണന്ന് തെളീയ്ക്കേണ്ട വിഷയങ്ങള്,പൊതുവെ അവഗണിക്കപ്പെടുന്നു എന്നതിന് തെളിവാണ്, ഇതിലെ അതി ശുഷ്ക്കമായ കമന്റുകള്. ഇത് നമ്മുടെ മണ്ടയ്ക്ക് മുകളില്ലൂടെ എന്ന ചിന്താഗതി മാറ്റി, നിങ്ങളുടെ വിലപ്പെട്ട അഭിപ്രായം ഇവിടെ രേഖപ്പെടുത്തുക.
നല്ല കുട്ടികള് എന്നത് സ്വഭാവഗുണമാണെങ്കില് ശരിയായിരിക്കാം.
എന്നാല് വിഷയത്തില് നൈപുണ്യമുള്ള , വേഗതയുള്ള , അനാലിറ്റിക്കല് പവറുള്ള കുട്ടികളെ നിലവിലുള്ള രീതിവെച്ച് തിരഞ്ഞെടുക്കാനാവുന്നുണ്ട്.
വിഷയം കാണാപാഠം പഠിക്കുന്ന ഒരു കുട്ടിക്ക് പ്രീഡിഗ്രി/പ്ലസ് ടു പോലുള്ള പരമ്പരാഗത പരീക്ഷകള്ക്ക് നല്ല മാര്ക്ക് വാങ്ങാനാവും കാരണം ഒരു പരിധിവരെ ഇവിടെ അളക്കുന്നത് കുട്ടികളുടെ ഓര്മ്മ ശക്തിയാണ്.
പ്രൊഫെഷണല് കോഴ്സുകള്ക്കുള്ള പരിമിതമായ സീറ്റുകളാണല്ലോ പ്രവേശന പരീക്ഷക്കാധാരം.
പരമ്പരാഗത ശൈലിയില് നിന്നും , കൂടുതല് ചോദ്യങ്ങള് കുറഞ്ഞ സമയത്ത് ചയ്യുക എന്നതാണിന്നത്തെ രീതി , ഒരു കുട്ടിക്ക് വേഗതയില് ഒരു ചോദ്യത്തിനുത്തരം കണ്ടെത്തണമെങ്കില് , വിഷയത്തിലുള്ള നൈപുണ്യത്തിനു പുറമെ നല്ല അനാലിറ്റിക്കല് സ്കില്ലും , ഓര്മ്മയും എല്ലാം കൂടി ചേര്ന്നാലേ സാധ്യമാകൂ.
നെഗറ്റീവ് മാര്ക്കിങ്ങിലൂടെ , ഒന്നുകൂടെ ഫില്ടെറിങ്ങ് ചെയ്യപ്പെടുകയും , "ഭാഗ്യം / കറക്കിക്കുത്ത് " എന്നതിലൂടെ മാര്ക്ക് കിട്ടാനുള്ള പ്രോബബിലിറ്റി പോലും ഇല്ലാതകുന്നു.
ചുരുക്കത്തില് , കുറ്റമറ്റതെന്ന് പറയുന്നില്ലെങ്കിലും ക്രീം സ്റ്റുഡെന്സിനെ തിരഞ്ഞെടുക്കാന് നിലവിലുള്ള പ്രവേശന പരീക്ഷക്ക് പറ്റുന്നുണ്ട്.
>>>> കോച്ചിംഗ് എന്ന കടമ്പ കടക്കുന്നവര്ക്കു മാത്രമേ എന്ട്രന്സ് കടക്കാനാകൂ എന്നതാണ് ഇന്നത്തെ പ്രശ്നം <<<<
കോച്ചിങ്ങിനു പോയാല് മാത്രമേ ലഭിക്കൂ അല്ലെങ്കില് കോച്ചിങ്ങിനു പോയവര്ക്കെല്ലാം ലഭിക്കും എന്ന് പറയുന്നതിനു മുമ്പ് , ഒരു സര്വേ നടത്തുന്നത് നന്നായിരിക്കും.
മോക്കപ് ടെസ്റ്റിങ്ങിലൂടെ വേഗത്തില് ഉത്തരങ്ങള് കണ്ടെത്താനുള്ള ഒരു പരിശീലനം കിട്ടും എന്നത് നേരുതന്നെയാണ് , വിഷയത്തില് നൈപുണ്യമില്ലാതെ വേഗതയുണ്ടായിട്ട് കാര്യമുണ്ടോ എന്നത് ആലോചിക്കാതെയാണ് ഇത്തരം പ്രവചനങ്ങള് നടത്തുന്നത്.
>> വളരെക്കുറഞ്ഞ സമയം കൊണ്ട് വളരെയധികം ചോദ്യങ്ങള്ക്ക് ഉത്തരമെഴുതേണ്ടി വരുന്ന കുട്ടിക്ക് ആ വിഷയത്തെക്കുറിച്ചുള്ള അറിവും ബുദ്ധിയും എന്നത് ആവശ്യമില്ലാത്ത ഒന്നായി മാറുന്നു.<<<
വിഷയത്തില് നല്ല അറിവും , അനാലിറ്റികല് സ്കില്ലും , ബുദ്ധിയും , ഓര്മ്മയും ഉണ്ടായാലേ കുറവ് സമയത്തിനുള്ളീല് കൂടുതല് ചോദ്യങ്ങള്ക്കുത്തരം എഴുതാനാവൂ.
***********************
ആശയങ്ങളെ നോക്കാം:
1. എന്ട്രന്സ് പരീക്ഷയുടെ സമയം ഇരട്ടിയോ അതിലധികമോ ആയി വര്ദ്ധിപ്പിക്കുക.
കുട്ടിയുടെ അനാലിറ്റിക്കല് സ്കില് / വിഷയത്തിലുള്ള നൈപുണ്യം എന്നിവ അളക്കാനവാതെ വെറും ഓര്മ്മ ശക്തിമാത്രം അളക്കാനാവുന്നു , പ്രവേശന പരീക്ഷയുടെ ആവശ്യമില്ല പകരം പ്രീഡിഗ്രിക്ക് ലഭിക്കുന്ന മാര്ക്ക് നോക്കി പ്രവേശനം നല്കുന്നതുമായി ഒരു വ്യത്യസവും ഇല്ല.
2. പ്രവേശനപരീക്ഷയുടെ മാര്ക്കിനോടൊപ്പം യോഗ്യതാ പരീക്ഷയില് ലഭിച്ച സ്കോറുകള് കൂടി പരിഗണിക്കണം.
പ്രവേശന പരീക്ഷക്ക് മിനിമം മാര്ക്ക് അമ്പതു ശതമാനത്തില് നിന്നും അറുപതാക്കുന്നത് അല്ലെങ്കില് എഴുപതാക്കുന്നത് നല്ല ആശയമാണ്. പക്ഷെ പ്രവേശന പരീക്ഷയുടെ മാര്ക്കിനൊപ്പം പ്രീഡിഗി പരീക്ഷയുടെ മാര്ക്ക് കൂട്ടി റാങ്ക് നിശ്ചയിക്കുന്നത് ഫലം കുറക്കുന്നു കാരണം ഇവിടേയും ഓര്മ്മ ശക്തിക്കാണ് കൂടുതല്പ്രാധാന്യം എന്നതുതന്നെ.
3. പ്രവേശനപരീക്ഷക്ക് വരുന്ന ചോദ്യങ്ങളില് പുതിയ പാഠ്യപദ്ധതിയുടെ രീതികള് കൂടി ഉള്പ്പെടുത്തണം.
പാഠ്യപദ്ധതിയുടെ "രീതികള്" അല്ല ഉള്പ്പെടുത്തേണ്ടത് മറിച്ച് , പഠിച്ച വിഷയത്തിന്റ്റെ വ്യാപ്തിയാണ് കൂട്ടേണ്ടത്.
പഠന രീതികള് കുട്ടികള് പ്രൊഫെഷണല് കോളേജില് നിന്നും പഠിച്ചുകൊള്ളൂം.
****************
>>>ചോദ്യങ്ങള് മലയാളത്തിലും ഇംഗ്ലീഷിലും കുട്ടികള്ക്ക് നല്കും<<<<
ഉഗ്രന് ആശയം ;)
പ്രൊഫെഷണല് വിദ്യാഭ്യാസം മലയാളത്തില് മതി എന്നും പറഞ്ഞൊരു സമരം കൂടി ഉണ്ടായാല് ഭംഗ്യായി ;)
കുട്ടികളെക്കാൾ പഠിയ്ക്കാൻ മിടുക്കർ,താരതമ്യേന,പണ്ട് യോഗ്യതാപരീക്ഷയിൽ
(അന്നൊക്കെ പ്രീഡിഗ്രിയായിരുന്നല്ലോ)നല്ല മാർക്ക് വാങ്ങിയെത്തിയിരുന്ന കുട്ടികളായിരുന്നു എന്ന്.
പുതിയ പരിഷ്ക്കാരങ്ങൾ കൊണ്ടുവരുമ്പോൾ,
ഇതൊന്നാലോചിയ്ക്കേണ്ടതല്ലെ?
അനില്
കോച്ചിംങ് സെന്ററുകള് ബിസിനസ്സ് തന്നെയാണ് അതില് സംശയം വേണ്ട. തീര്ച്ചയായും ഇടപെടല് ഉണ്ടാവുകയും ചെയ്യും,
മൂര്ത്തി, താങ്കളുടെ വിശദമായ അഭിപ്രായത്തിന് നന്ദി.
എന്ട്രന്സില് 30000 കിട്ടിയ കുട്ടിക്ക് 99% മാര്ക്ക്..നമ്മുടെ പഠനത്തിനു നിലവാരമില്ല, ചുമ്മാ മാര്ക്ക് കൊടുക്കുന്നു
എത്ര ശരിയായ നിരീക്ഷണം. സത്യത്തെ വളച്ചൊടിക്കുന്നത് ഇങ്ങിനെയാണ്..
വിചാരം, പരിഷ്കാരങ്ങള് നടപ്പിലാകും എന്നു തന്നെയാണ് എന്റെയും വിശ്വാസം..
ഭൂമിപുത്രി, ശരിയാണ് സത്യത്തില് എന്ട്രന്സ് എഴുതിയതുകൊണ്ട് വിവരവും താത്പര്യവും ഉണ്ടാവണമെന്നില്ല. നന്ദി...
തറവാടി,
വിഷയത്തില് നൈപുണ്യമുള്ള , വേഗതയുള്ള , അനാലിറ്റിക്കല് പവറുള്ള കുട്ടികളെ നിലവിലുള്ള രീതിവെച്ച് തിരഞ്ഞെടുക്കാനാവുന്നുണ്ട്.
വിഷയം കാണാപാഠം പഠിക്കുന്ന ഒരു കുട്ടിക്ക് പ്രീഡിഗ്രി/പ്ലസ് ടു പോലുള്ള പരമ്പരാഗത പരീക്ഷകള്ക്ക് നല്ല മാര്ക്ക് വാങ്ങാനാവും കാരണം ഒരു പരിധിവരെ ഇവിടെ അളക്കുന്നത് കുട്ടികളുടെ ഓര്മ്മ ശക്തിയാണ്.
താങ്കള് ചിന്തിക്കുന്നത് പുതിയ കാലഘട്ടത്തിന് അല്ല എന്നു തോന്നുന്നു, കാരണം പാഠ്യക്രമം എന്നേ പരിഷ്കരിച്ചു കഴിഞ്ഞു, ഇന്നും പരിഷ്കരിച്ചു കൊണ്ടും ഇരിക്കുന്നു.
പഠന രീതിയും എന്നേ മാറിക്കഴിഞ്ഞു. ഇന്ന് കാണാതെ പഠിച്ച് വരുന്ന ഒരു കുട്ടിക്കും ഹയര് സെക്കന്റെറി പരീക്ഷ എഴുതാന് കഴിയില്ല. കാരണം ഓര്മ്മശക്തിയെ പരിശോധിക്കുന്ന പരീക്ഷകള് ഇന്നില്ല. തികച്ചും വ്യത്യസ്ഥമായ എല്ലാ വിഷയങ്ങളേയും പരസ്പരം ബന്ധിപ്പിച്ചു കൊണ്ട് ആണ് ചോദ്യങ്ങള് നിര്മ്മിക്കപ്പെടുന്നത്.
വിഷയം വ്യക്തമായ മനസ്സിലാവാതെ ഒരു ചോദ്യത്തിനും ഉത്തരമെഴുതാന് കുട്ടിക്ക് കഴിയില്ല.
ഇപ്പോള് ആശയതലം തന്നെയാണ് പരീക്ഷിക്കപ്പെടുന്നത്.
താങ്കള് പറഞ്ഞ,
വിഷയത്തിന് നൈപുണ്യമുള്ള കുട്ടികളെ തിരഞ്ഞെടുക്കാന് ഇന്നത്തെ എന്ട്രന്സ് രീതിക്ക് കഴിയുന്നില്ല എന്നതാണ് ശരി. എന്നാല് നിലവില് ഉള്ള ഹയര്-സെക്കന്ററി പരീക്ഷ ശരിയായ കഴിവുള്ളവരെ തിരഞ്ഞെടുക്കാന് പര്യാപ്തമാണ്.
കോച്ചിംങ്ങ് സെന്ററുകളില് പഠിപ്പിക്കുന്നത് എന്താണെന്ന് ആലോചിച്ചു നോക്കൂ, ബൌദ്ധികമായ, ആശയപരമായ കഴിവുകള് ഒന്നും അവിടെ വികസിക്കുന്നില്ല. ഒരു ചോദ്യത്തെ അല്ല അവിടെ സമീപിക്കുന്നത്, മറിച്ച് അതിന്റെ ഉത്തരത്തെ മാത്രമാണ്. ഉത്തരം കണ്ടെത്താനുള്ള വഴികള് അവിടെ പ്രസക്തമാകുന്നില്ല. ഏറ്റവും ശുഷ്കമായ വഴി മാത്രമാണ് പരിശിലിപ്പിക്കപ്പെടുന്നത്.
പരീക്ഷാസമയം കൂട്ടുന്നതു കൊണ്ട് ഓര്മ്മശക്തിയാണ് പരീക്ഷിക്കപ്പെടുന്നത് എന്ന് ആരു പറഞ്ഞു. വിഷയത്തെ, ആശയത്തെ ഉള്ക്കൊണ്ടു കൊണ്ട് പരീക്ഷയെഴുതാന് കഴിയുകയാണവിടെ.
ഓര്മ്മശക്തി പരീക്ഷിക്കാനല്ല ഇപ്പോഴത്തെ വിദ്യാഭ്യാസ രീതി. ഇപ്പോഴത്തെ ഹയര്-സെക്കന്ററി ചോദ്യപേപ്പറുകള് പരിശോധിച്ചു നോക്കൂ,
തികച്ചും ആശയപരമായ അറിവിനെ, ആ അറിവിനെ പ്രയോഗിക്കാനുള്ള കഴിവിനെ, സമൂഹത്തിന് താന് നേടിയ അറിവു വഴി സംഭാവനകള് നല്കുവാനുള്ള മനോഭാവത്തെ ഇതിനെയെല്ലാമാണ് ഇന്നത്തെ പരീക്ഷാ രീതി പരിശോധിക്കുന്നത് എന്ന് മനസ്സിലാവും.
“ഡോക്ടര്മാരാവാന് ബയോളജി അറിയണം,പക്ഷേ ഒന്നര മണിക്കൂറിനുള്ളില് ബയോളജി അറിയണം എന്ന നിബന്ധന എന്തിനാണ്?”
സത്യം തന്നെ എന്നാലും ഒരു പരീക്ഷ വേണമെന്ന് എല്ലാവര്ക്കും നിര്ബന്ധം. രണ്ടു വര്ഷം പഠിച്ചാല് പോര മറിച്ച് ഒന്നരമണിക്കൂര് ആണ് സംഗതി തീരുമാനിക്കുന്നത്....
+2 പരീക്ഷാ സമ്പ്രദായം മാറിയിരിക്കാം. കുട്ടിയുടെ അറിവ് പരീക്ഷിക്കപ്പെടുന്നുണ്ടാവണം, ഓര്മ്മശക്തിയെക്കൂടാതെ. പക്ഷെ, അത് എന്ട്രന്സ് പരീക്ഷാരീതി കുഴപ്പമുള്ളതാക്കുന്നതെങ്ങനെ? കോച്ചിംഗ് സെന്ററില് ക്ലാസ്സിന് പോയി എന്നതുകൊണ്ടുമാത്രം ഏതെങ്കിലും മണ്ടന് വിദ്യാര്ത്ഥിക്ക് അത് കിട്ടിയിട്ടുണ്ടോ. എന്റെ അനുഭവത്തില് എന്ട്രന്സ് നേടിയവരെല്ലാം മിടുക്കന്മാരും മിടുക്കികളും തന്നെയായിരുന്നു. സഹപാഠികളെ, പരിചയക്കാരെ, ബ്ന്ധുക്കളെ എല്ലാം നിരീക്ഷിച്ചതില്നിന്നുമാണ് ഞാനിത് പറയുന്നത്. അക്കൂട്ടത്തില് കോച്ചിംഗ് ക്ലാസ്സിന് പോകാത്തവരും എന്ട്രന്സ് നേടിയുട്ടുണ്ട്. ഒരു സര്വേയും നടത്താതെ എന്തിനാണ് ഒരു വലീയ വിഭാഗം ആള്ക്കാര് എന്ട്രന്സ് പരീക്ഷകള്ക്കെതിരെ മുറവിളി കൂട്ടുന്നത്? പിന്നില് എന്തേലും ഉദ്ദേശമുണ്ടോ?
ഇങ്ങനെയൊരു വാദം ഉയര്ത്തിക്കൊണ്ടുവന്നത് പുതിയ സ്വാശ്രയ വിദ്യാഭ്യാസ ലോബിയാണെന്ന് കാണാന് കഴിയും. അവര്ക്ക് വിദ്യാര്ത്ഥികളുടെ യോഗ്യതാമാനദണ്ഡത്തെ ഡൈലൂട്ട് ചെയ്യണമായിരുന്നു. തങ്ങളുടെ വിപണിയുടെ വലിപ്പം കൂട്ടാന്. കോച്ചിംഗ് സെന്ററുകളുടെ കച്ചവടവും എന്ട്രന്സ് കടമ്പ കടക്കാന് കഴിയാത്ത ഭൂരിപക്ഷത്തിന്റെ ‘കഴിവുണ്ട്, പക്ഷെ ഭാഗ്യമില്ല’ മനോഭാവവും ഈ വാദത്തിന് പിന്തുണ കിട്ടാന് സഹായകമായി. അതിലപ്പുറം ഒന്നുമില്ല ഇതില്.
1) entrance coaching-ന് പോകുന്നത് കൊന്റ് പ്രത്യേകിച്ച് ഗുണമൊന്നും ഇല്ലാത്ത രീതിയിലുള്ള ചോദ്യങ്ങള് പ്രവേശന പരീക്ഷയില് വേണം. GATE പരീക്ഷയ്ക്ക് ചോദിക്കുന്ന ചോദ്യങ്ങള് ഒന്നും തന്നെ repeat ചെയ്ത് വരുന്നില്ല. അതൂ കൊണ്ട് തന്നെ പ്രഗല്ഭനായ എന്റ്രന്സ് അദ്ധ്യാപകനായാല് പോലും ഈ ചോദ്യങ്ങള് വരാന് സാധ്യത ഉണ്ടെന്ന് പറയാനല്ലാതെ, ഇത് എന്തായാലും വരും എന്ന് പറയാന് കഴിയുന്നില്ല. coaching-ന്റെ പ്രസക്തി പഠിക്കുന്ന വിഷയത്തിന്റെ depth-ല് മാത്രം ഒതുങ്ങ്ങ്ങുന്നു.
2) GATE പരീക്ഷ പോലും പൂര്ണ്ണമായും entrance coaching independent അല്ല.
3) The entrance system we have in our state (or any other state) doesn't test the students "engineering aptitude"
4) There should be questions from all engineering disciplines in the question paper (we study most of the fundaes in 11th and 12th) and weightages should be given, such that admission to various disciplines should be given according to these weightages. (for eg: if a student scores the questions from mechanical engineering section very well, he should be given preference for admission into mechanical engineering seat rather than any other and if a student didn't perform well in electronics he SHOULD NOT be given admission to electronics seat)
4) Plus two marks and entrance rank cannot be correlated under any circumstances. They measure different characteristics. It is just like saying 1 degree Celsius = 100 kilo gram.
5) Rules should be made such that the questions doesn't come repeated in entrance exams. I remember in when I wrote the exam, most of the questions and the choices too, were known to me.. like most of us. Any idiot who know the fundae and works out problems from the entrance textbooks can score well w/o even calculating the problem.
6) Engineering requires a skill. The exam should be so as to measure that skill.
7) The questions should also include mental ability and other similar questions.
Scoring in 10th/12th is not a big thing. It is as easy as copy-pasting a file in your computer...
താങ്കളുടെ അഭിപ്രായത്തോട് യോജിക്കാന് വയ്യ.
കാരണം എന്ട്രന്സ് എന്ന പരീക്ഷ കടക്കുന്നവര് എല്ലാവരും മിടുക്കരാണ് എന്ന ചിന്തയൊന്നും വേണ്ട, പ്രീഡിഗ്രി ഉണ്ടായിരുന്ന കാലത്ത് എന്ട്രന്സ് കിട്ടുകയും എന്നാല് പ്രീഡിഗ്രിക്ക് മിനിമം മാര്ക്ക് ലഭിക്കാതെ പോവുകയും ചെയ്തവരും ഇവിടെ ഉണ്ട്. കറക്കിക്കുത്ത് ചിലപ്പോള് വിജയിക്കും എന്നു സാരം. പ്ളസ്റ്റു തലത്തില് വലിയ മാര്ക്ക് വാങ്ങാതെ എന്ട്രന്സ് കയറിക്കുടിയവര് (കോച്ചിംഗ് ക്ളാസിന് പോയി) പലരുമുണ്ട് എന്റെ അറിവില്. പല ചോദ്യങ്ങളും വായിക്കുമ്പോള് തന്നെ ഏതാണ് ഉത്തരം എന്ന് കോച്ചിംഗ് ലഭിച്ചവര്ക്ക് എളുപ്പത്തില് തിരിച്ചറിയാം. ഇത് ചോദ്യത്തെ വിശകലനം ചെയ്ത് നേടിയതല്ല, മറിച്ച് കാണാപ്പാഠം എന്നു പറയാവുന്ന തലത്തില് നേടുന്നതാണ്.
സാശ്രയ ലോബിക്ക് എന്ട്രന്സ് എന്ന കടമ്പ ഇല്ലാതായാല് കൂടുതല് സഹായകരമാണ് എന്നതില് സംശയമില്ല. പക്ഷേ എന്നു കരുതി കഴിവുള്ളവര്ക്ക് അവസരം നഷ്ടപ്പെടുത്താനും ഇടവരുത്തരുത്.
മലമൂട്ടില് മത്തായി,
+2 തലത്തില് പ്രശ്നങ്ങള് ഇപ്പോഴും നിലനില്ക്കുന്നുണ്ടോ എന്നത് ചിന്തിക്കേണ്ടിയിരിക്കുന്നു. മാര്ക്ക് തിരുത്തല് പോലുളള പ്രശ്നങ്ങള് മൂലമാണ് എന്ട്രന്സ് എന്ന പരീക്ഷ നിലവില് വന്നത് എന്നാണെങ്കില് അത് ആത്മഹത്യ ചെയ്യുന്നതു കൊണ്ട് കയര് നിരോധിക്കുന്ന പോലെ ആകും.
ഞാന് ,
താങ്കളുടെ അഭിപ്രായങ്ങള് വിഷയത്തെ കൂടുതല് നന്നായി ഉള്ക്കൊണ്ടു കൊണ്ടുള്ളതാണ്.
Plus two marks and entrance rank cannot be correlated under any circumstances. They measure different characteristics. It is just like saying 1 degree Celsius = 100 kilo gram.
ഈ അഭിപ്രായത്തിന് സാധുതയുള്ളത് എന്ജിനീയറിംഗ്-മെഡിസിന് നൈപുണികള് അളക്കാനായി ചിട്ടപ്പെടുത്തിയ എന്ട്രന്സ് പരീക്ഷയില് മാത്രമാണ്. എന്നാല് ഇവിടെ അത്തരമൊരു പരീക്ഷ നടക്കുന്നില്ല എന്നു തന്നെ പറയാം. താങ്കളുടെ അഭിപ്രായം പോലെ തന്നെ അത്തരമൊരു പരീക്ഷ നടക്കുകയാണെങ്കില് , ശരിയായ കഴിവ് അളക്കാന് കഴിയുമെങ്കില് എന്ട്രന്സിന് തീര്ച്ചയായും പ്രാധാന്യം ലഭിക്കും.
എല്ലാവര്ക്കും നന്ദി, ഇനിയും ഇവിടെ ചര്ച്ചകള് തുടരട്ടെ മികച്ച നിര്ദ്ദേശങ്ങള് വരട്ടെ..
ഇവിടെ ചര്ച്ച ചെയ്യുന്ന വിഷയത്തില് ഇതും കൂടി ശ്രദ്ധിക്കണമെന്ന് താല്പര്യപ്പെടുന്നു.
ഭാഗികമായും ശരിയാണ് ഈ നിരീക്ഷണം. എന്ട്രന്സ് പരീക്ഷയില് സാമാന്യം ഭേദപ്പെട്ട മാര്ക്ക് നേടിയ ഞാന് പാസ്സായത് 59.67 ശതമാനം മാര്ക്കോടെയാണ്. എനിക്കറിയാവുന്ന മറ്റൊരു കോളേജിലെ വിദ്യാര്ത്ഥി best incoming student ആയിരുന്നു, ഇപ്പോള് അത്ര മെച്ചമല്ലാത്ത മാര്ക്കാണ് അദ്ദേഹത്തിനും. ഇത് വിദ്യാര്ത്ഥിയുടെ കുറ്റം മാത്രമോ, അതോ പഠനരീതിയുടെയോ, പാഠ്യപദ്ധതിയുടെയോ, മൂല്യനിര്ണ്ണയത്തിന്റെയോ? എഞ്ചിനീയറിങ്ങ് പാഠ്യപദ്ധതി എന്നത് കാണാതെ പഠിച്ച് മാര്ക്ക് വാങ്ങിക്കാന് എളുപ്പമുള്ളതാണ്. എഞ്ചിനീയറിങ്ങ് പാസ്സായ പലരും പറയുന്ന കാര്യമുണ്ട് "നാല് വര്ഷം പഠിച്ചിട്ടും എനിക്ക് പ്രത്യേകിച്ച് ഗുണമൊന്നുമുണ്ടായിട്ടില്ല" എന്ന്...
മൂല്യനിര്ണ്ണയത്തെ പറ്റി പറയേണ്ട... "ഞങ്ങള് ആദ്യത്തെ പേജൊന്ന് മര്യാദക്ക് നോക്കും, അതിനനുസരിച്ചായിരിക്കും ബാക്കി പേജുകള് മൂല്യ നിര്ണ്ണയം നടത്തുക" എന്നാണ് ഒരദ്ധ്യാപകന് പറഞ്ഞത്.
(ഞാന് എന്റെ തെറ്റിന് ബാക്കിയുള്ളവരെ കുറ്റപ്പെടുത്തുകയല്ല. എന്നാലും ബാക്കി ഉള്ള factors കൂടി സൂചിപ്പിച്ചു എന്ന് മാത്രം)